مرجع لصناع الفن، و متذوقي الجمال.
“ماذا ستروي اليوم؟” .. إذا اردنا اختصار دورك كـ ستوري بوردر بكلمتين فدورك هو (رواية القصة) .. إنك بشكل أو آخر تتعمق في نصّك منذ أن تُمسك بالسيناريو محاولًا إجابة تحليله، مالهدف من القصة؟ بأي طريق سأسردها وهل يوجد بالنص ما استطيع أن استخرج منه Concept فعّال ؟
عادة ماينتهي الموضوع عند الستوري بورد في الموشن جرافيك وننتقل للمرحلة التالية، لكن في حالات يتطور الانتاج لحد إنه يصير مقارب للأنميشن وَيكون حجم المشروع ضخم بحيث إنك تحاول تقلل الأخطاء بينك وبين الفريق، في هالمرحلة يتطلب الأمر إنك تستخدم الـ Animatic أو Boardmatic أو Story Reels
مهما حسيت إنك فاهم وش تسوي ووقتك ضيق .. لا تُسقط الستوري بورد، لأن بتاكلها لو رسمت كل المشاهد والعميل كلش مو متفق مع سردك لقصته. شنو بالله تسوي بالوقت اللي رسمت فيه تفاصيل التفاصيل !! لما تكون فريلانس وقتك لنفسك … لكن مع فريق! انت تعرف إن كل دقيقة لكل موظف مدفوعة … إنك تخلي الفريق يرسم مشاهد ولاحقًا هالمشاهد (وإن كانت رهيبة) ماتناسب العميل فأنت تكون خسرت الشركة ماديًا ماخسرتهم وقت وبس، أي مبتدئ لازم يفهم هالمعادلة بشركات الانتاج .. الوقت=فلوس. كيف تتجنب هالهدر؟ بإنك تاخذ موافقة مكتوبة عالستوري بورد
ANIMOUSH 