تطوير الـ ستوري بورد | مراحل الانتاج

أهلًا بعودتك ..

عادة ماينتهي الموضوع عند الستوري بورد في الموشن جرافيك وننتقل للمرحلة التالية، لكن في حالات يتطور الانتاج لحد إنه يصير مقارب للأنميشن وَيكون حجم المشروع ضخم بحيث إنك تحاول تقلل الأخطاء بينك وبين الفريق، في هالمرحلة يتطلب الأمر إنك تستخدم الـ Animatic أو Boardmatic أو  Story Reels

والفروقات بينهم بسيطة، الهدف منهم توزيع المشاهد على الصوت والإشارة للحركات الرئيسية في المشاهد. معظمه يكون مشاهد صامتة …. لأن الغرض منه مو التحريك. الغرض منه توزيع المشاهد والحركة عالزمن اللي يحدده التعليق الصوتي. يعني تحدد كم ثانية يلعب فيها المحرك لكل مشهد، فيه ناس تحرك ولاحقًا ترتب الصوت … وفيه ناس تبدأ بتسجيل الصوت وتسوي أنيماتك للمحركين تحدد زمن الحركة لهم .. وكلهم طريقتين يخضعون لتفضيلاتك

عني مرات أستخدم هذي ومرات هذي، على حسب الوقت المتاح، لو فيه وقت أفضل إن الصوت يكون جاهز لكن لو وقت المشروع ضيق نبدا نحرك عبال مايجهز الصوت وبالنهاية نعيد توقيت الحركات (ياخذ وقت اضافي -.-).

وش أهمية الأنيماتك واصحابه؟

الأنيماتك يقطعلك المشاهد، بالتالي تبدا تشوف الحياة في الستوري بورد حقك

تبدأ تقدر تطلع الـ بومب تشيك بومب تشيك ….. تتخيل ايقاع الأصوات او الخلفية الموسيقية للفيديو لأن الأصوات الأساسية غالبًا تكون موجودة فيه

ومنها كذلك تتحقق إنك ماشي في السليم وحركات الكاميرا جيدة، زي مايقولك بروفة أولية

أنيماتك باتمان مثلًا ..

وهنا مثلًا ثمبنيل أنيماتك 

طيّب السابق كان ستوري بورد أنيماتك

وش الفرق بين الأنيماتك وَ بين البوردماتيك و الستوري ريلز! صراحة متشابهين مره، وللآن مو واضحة لي الفروقات بينهم، همم ماأظن إنها مجرد مسميات! … بشكل عام كلهم يأدون للغرض الرئيسي وهو تقييد التحريك وتوزيع الأصوات الأولية .. ولما أقول أولية يعني ممكن تسجلها بصوتك علشان تقدر زمن الحركة. وفي أي من المراحل الثلاث راح تلقى نفسك تعدل في الرسم أو الستوري بورد تقصر وتطول مشاهد تفاديًا لأي خطأ في المراحل المتقدمة من الانتاج … طيب خنحاول نعرفهم بما يعرف به عامة الشعب

• الأنيماتك: تحريك بسيط للستوري بورد أو الثمبنيل تلقى فيه اسهم وتوضيح لحركات الكاميرا وتلاقي فيه الأنميشن مقطع، يعني فريمات متباعدة للحركة لكنك تفهم تسلسل الآكشن.
• البوردماتيك: نسخة مصغرة من الفيلم، التحريك فيه جامد، تتحرك البوردز وهي ثابته لكنها توضحلك كل العناصر المتحركة والاصوات المبدئية.
• الستوري ريلز: هو العرض الكامل للفيلم على شكل صور ثابتة تمامًا مع الموسيقى التصويرية.

زيمبؤلك .. تقريبًا مافيه فرق (إذا عرفت الفرق اكتبلي بالتعليقات)

يمكن يتبادر إلى ذهنك سؤال، ليه نسوي كل هالحوسة؟

الأنميشن عملية طويلة ومُكلفة، بالتالي انت محتاج تقلل من الخساير، وتقللهم من خلال اضافة عمليات بسيطة توصلك الصورة النهائية قبل لاتخوض فيها وتحصل عالرتم الخاص بالموسيقى حقتك، تثبيت افكار الترانزشن اللي قد يتم تجاهلها في الستوري بورد التحقق من سلاسة الانتقالات كذلك بمعنى آخر ودك تضبط الصورة للمحركين وتسهل عليهم الموضوع كذلك يصير مرجع للإيديتور.

مثال للبوردماتك 

وَ 

الستوري ريلز: 

طيّب.

نرجع ورا شوي …

علشان تنتج ستوري بورد جيد، تحتاج ترز على عدة نقاط:

• تبسيط رسومك (سريع/واضح/يِخدم).

مُفترض إن رسم البانل الواحد في الستوري بورد ياخذ من 20-60 ثانية، مايهم الرسم يكون حلو قد مايكون يوصّل… عالأقل النسخة الأولية من الستوري بورد حقك، نعرف في حالات تحتاج ستوري بورد نظيف تقدر توريه العميل لكن عرض تسلسل الأفكار مايحتاج أكثر من خطوط بسيطة تشرح المشهد.

وأحيانًا تنتقل لمستوى أعلى فترسم بشكل اكثر احترافية لكن هذا بنتكلم عنه لاحقًا.

• تبسيط الوضعيات.

الاعتماد على Star Men كافي جدًا كل اللي تحتاجه أطراف ورأس علشان ترسم أي وضعية بالعالم، لذلك ركز على بنية المشهد أكثر من التفاصيل.

• Good Silhoutte..
• الرؤوس

أهم مافي الرأس رسم الأعين – الحواجب – الفم …. تقدر تتجاهل الأنف مثلًا وتستعيض عنه بتحريك الأعين في كل الإتجاهات علشان يتضح لنا وين الشخصية تطالع، لكن ضروري تحافظ عالحواجب والفم لأنهم يشرحون مشاعر الشخصية.

• الأيادي.

في كثير من الأحيان تقدر تتجاهلها، لكن في حال احتجت تقدر تكتفي بـ دائرة/مربع وعدة خطوط كأصابع وتوصل فكرتك.

بالنسبة للـ Composition, الشيء اللي اكتشفته مؤخرًا علشان تطلع بستوري بورد ممتع بصريًا انت بحاجة عمل تنقلات ملحوظة بين المشهد والآخر. يعني تحرص على:

يختلف المنظور … الزاوية … المنحنيات … التقريب والتبعيد، بكذا تقدر تخلق تسلسل بصري ممتع للأحداث، تحتاج للـ  Cutting الملحوظ بين الاشكال، تنتقل من مشهد بياض لمشهد سواد، من مشهد قريب لمشهد بعيد وهكذا. تقليل الانتقالات الخجولة، بالعامي حط فارق يسوى بين المشاهد

شيء آخر وهو الـ Focal Point 

كل مشهد بحاجة لـ فوكال بوينت ليكون مثير للإهتمام. الفوكال بوينت هي أول نقطه تجي عيك عليها في المشهد، “بمعنى القيادة البصرية للعين“

كيف تخلق فوكال بوينت بمشاهدك؟ الفوكال بوينت تجي من الجذب، والجذب يجي من الإختلاف، بمعنى لو خلفيتك فاتحة والشخصية ألوانها داكنة، فراح تجي العين اول شيء عالشخصية ثم تتنقل في بقية المشهد، الفوكال بوينت قد يكون العنصر الاكبر في الشاشة، او المنير منها، العنصر الاكثر لفتًا في المشهد. وبقية الاجسام في المشهد من المفترض بها دعم الفوكال بوينت بحيث تساعد عالوصول لها وماتشتت العملية. هل الفوكال بوينت وحدة؟ لأ، قد تكون اثنتين أو ثلاثة بحيث إن الاولى الاكثر اهمية واللي بعدها بالمرتبة الثانية هكذا.

تقدر تسوي فوكل بوينت من خلال التباين بين:

الحركة – الجمود

الظلام – والنور

الضخامة – الصغر

النعومة – الحدة

الوضوح – التغبيش

نقطة أخرى مهمة في الستوري بوردينق وهي العمق، ويبدو إن معظم مشاكلنا كمبتدئين (نسبيًا ><) هي .. The Depth

وش هي الادوات اللي تساعد على ايضاح العمق في الستوري بورد حقك؟

المنظور (prespictive).

الشبكة*.

اللقطات (عريضة–متوسطة–مقربة).

التشكيل في الزوايا بين العالي وَالنازل.

التباين بين اللقطات.

المسرح إن صحت الترجمة Staging.

كيف بالإمكان تحسينه وجعله أكثر جاذبية بالقليل من الدراسة والتفكير بضربلكم مثال قاله

Sergio* بالفيديو :

أخيرًا أحب اسلط الضوء على أحد اكثر التحديات اللي تواجه المبتدئين في الستوري بوردنق، وهو (الأصالة)

كثيرًا مايستخدم الفنانين اعمال كبيرة كمرجع، وهو شيء معقول لكن الكلام كيف تستخدم المرجع بطريقة جيدة، كيف تغير فيه بحيث إني ما اربطه بالعمل الاصلي، صحيح إننا مانخلو من الاستلهام/محاكاة أجزاء من الأعمال الرهيبة لكن الإستثمار الجيد هو إعادة استخدامها بشكل يشبهنا، يشبه مشروعنا

الاقتباس شيء جيد لك (طالما محد منتبه لوول)، لأنه بيرفع مستوى انتاجك … لكن إذا تفكر تتطور لاتستسلم لأول مرجع رهيب تشوفه. 

بوركتم ياابنائي.

عايشة